Nga Korea, Evropa dhe SHBA-ja, deri te dera juaj.

Që nga viti 2019, jemi të përkushtuar në importimin dhe shitjen e veturave në Kosovë, duke ndërtuar një emër të bazuar në përvojë, besim dhe transparencë.

Kemi qenë ndër kompanitë e para që sollën vetura nga Koreja e Jugut në Kosovë. Sot, importojmë vetura nga Koreja e Jugut, Evropa dhe SHBA-ja, duke u fokusuar në cilësi, histori të qartë, kilometra reale dhe dokumentacion të rregullt.

Me mbi 3,000 vetura të shitura që nga viti 2019, kemi krijuar një përvojë të gjerë në treg dhe kemi fituar besimin e mijëra klientëve.

Sot, kompania jonë operon me 2 showroom-e me vetura në stok dhe 6 zyra për porosi, duke u ofruar klientëve mundësinë të vizitojnë ambientet tona, të shohin veturat që kemi në dispozicion ose të porosisin veturën e tyre nga tregjet ndërkombëtare.

Sipas të dhënave zyrtare të Doganës së Kosovës dhe Eurolab QAK, kompania jonë figuron ndër importuesit më të mëdhenj të veturave në Kosovë, duke dëshmuar përmasat e aktivitetit tonë dhe përvojën në këtë industri.

Ne kujdesemi për të gjithë procesin e blerjes: nga përzgjedhja e veturës dhe inspektimi në vendin e origjinës para porosisë, deri te transporti dhe dorëzimi te klienti. Pas mbërritjes në Kosovë, ofrojmë mundësinë e kontrollimit të veturës në servis të autorizuar para zhdoganimit. Gjithashtu, veturat tona shoqërohen me garancion sipas kushteve përkatëse.

Misioni ynë është ta bëjmë blerjen e veturës sa më të lehtë, të sigurt dhe transparente, duke u ofruar klientëve tanë shërbim profesional dhe përkrahje në çdo hap.

Përvojë që nga viti 2019. Mbi 3,000 vetura të shitura. 2 showroom-e. 6 zyra për porosi. Një synim: besimi juaj.